|
|
| الرئيسيــة »» سينمائي »» 10 من 10 |
10 من 10
30 / 6 / 2009
السلام عليكم ورحمة الله وبركاته ،،
ها أنا ذا أصافحكم بعد طول غياب وبعد أن تحررت من كثير من الأعمال لأعود بكم وحتة فيلم ماحصلتش 
بصراحة الأفلام القصيرة من ناحيتي تعطي للشخص قوة في التحليل الإخراجي المنطقي وتعطي أكثر واقعية في تنفيذ الأعمال وتصقل بوادر الإتقان للعمل .
خلونا ناخذ أول فيلم .. وهو عشر دقائق واسمه عشر دقائق ويخليك تفكر أكثر من عشر دقائق .. !!
سميت العنوان 10 من 10 لأنه ياخذ عشر دقائق من وقتك لترى عشر دقائق .. ولأنه بصراحة كإتقان وإخراج وفنية كان 10 من 10 ..
نشاهد سوية المقطع ونلقي تعليقاتنا على ماشاهدناهـ ..
قبل البدء في المشاهدة بحكي كلمتين بسيطات .. العالم حولنا مليء بالأحداث .. تخيل أربعة شباب متواعدين بيطلعون لأحد الكوفيهات وقبل الموعد بربع ساعة وش وضع الشباب كلهم الأربعة في نفس الوقت ؟؟
- خالد في بيتهم جالس يتزكرت وطاق الشماغ والعقال ويتعطر عشانه بيطلع الآن .. 
- عبدالرحمن رايح يجيب خبز وزبادي لأهله من التموينات القريبة وتوه داخل للمحل ومتجه للثلاجة .. 
- بكر توه طالع من الدوام ( ياحياتي دايم كذا يأجلون الموعد عشانه ) وتوه مشغل سيارته يحميها عشان يتجه للموقع.
- باقي أنا  !! قاعد أكتب المدونة هذي عشان إذا انتهيت بروح لهم في الكوفي .. 
شف أحوال الشباب قبل موعدهم مثلاً .. تلقى كل واحد في حاله .. !!
خلونا نبدأ الفيلم ( سوا 75 ريال) :
 مشاهدة ممتعة :
<object width="425" height="344"><param name="movie" value="http://www.youtube.com/v/ppAn0LNU_V8&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/ppAn0LNU_V8&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
حسيت بفجوة كبيرة بين الإثنين .. هذا في حاله والثاني في حاله ..
مايأثر فيك المقطع ؟! أكيد اثر فيك وعرفت ان الناس حولك وهم بعيدين عن ناظريك جالسين في أحوالهم ..
أجل كيف لو كان في حرب مثل كذا .. !!! وخلال العشر دقائق يفقد شخص أهله .. !! بينما شخص آخر جالس (يـتــتـّـن) وينتظر الفيلم يخلص من التحميض .. !!
___________________
** كلام بعيد عن الإخراج:
* المقطع يحكي واقع يعيشه العالم ومايذكرني إلا أغنية " الشعب العربي وين " وياقرب الحدود الإسرائيلية منهم ذيك الليلة .. !! ( نحكي واقع ) ..
* المقطع يذكر الإنسانية داخل قلب كل شخص بأن النفس البشرية مهتمة بنفسها أو مايقع تحت ناظريها بينما من يغيب عن العالم بالأخبار لن يكون محط اهتمام العالم. وهذا يذكرني (محمد الدرة) في حضن ابوه وهم خلف برميل أو صبة خوفاً من الرصاص الإسرائيلي ويأشرون بإشارة سلام .. !!
* المقطع يوحي بأن الإعلام ( اللي هو المصوّر ) بعيد جداً عن الأحداث العالمية وأن مايرصد ومايذاع في الأخبار معاكس تماماً لم هو واقع .. ( نحكي واقعية ) .. نشاهد المصور بعد استلام الصور كان مبسوط وكانت الصور تضحك وفيها ناس سعيدين .. !!
* المقطع في التحليل خذا أكثر من وقته ولأني مستعجل بروح للكوفي مع الشباب خلوني اختصر لكم الباقي .
_____________________
** كلام في الإخراج للفيلم :
* البساطة في المدخل والعفوية جعلت المشاهد يقول خلنا نشوف وش ورا هالمقطع . ( أسود وابيض والمصور يصور ولقطات له مختلفة ) خذ لك فيشار طيب
* بدأ المشهد من امرأة تنفض القماش من شرفة منزلها ونزلت الكاميرا تحت عشان تجيب المصور وهو متجه لا يدري إلى أين لكن بالصدفة يجد محل تحميض أفلام .. أي نوع من الكاميرات اللي صورت هذا المقطع ؟!! وكيف الإنتاج فيه ؟ وكل هذا شوت واحد .. بدون قطع للكاميرا .
* دخوله للمحل وحوار في المحل .. من شوت واحد ..
* طلع عشان يشوف ساعته ويولع زقارة .. !! شوت واحد عشان المصور والساعة .. ولو انه عندنا في طاش ماطاش كان جابو الساعة وراه وهو يطلع ملزقه على الباب ثم يعاينها ويمشي ..
* الساعة اللي داخل البيت القديم هي نفس الساعة صح ولا لا ؟ ... !! بس انتقال حلو والله ..
* (مخرج فاصل بدون نواصل) من مقطع الساعة لين انتهى هو القصة بالكامل .. الطفل اللي يطلع من البيت ويروح يجيب موية وخبز لأمه وتصير له أحداث في الشارع( يتحرش مثلاً ) وياخذ بندق الرجال ويضحك ضحكة بايخة ( عفوية طفل ) وسرا الخبز والموية .. الانفجار الأول والوضع عآآآآدي جداً ... والنحشة ( الفرار ) يوم الانفجار الثاني والناس اللي تفاقعت ( تفرقت ) وكيف عود للبيت بعد طول ركض ويوم وصل للبيت وطلع فوق هي الطامة .. !! لاحظ مقطع واحد بدون تقطيع للكاميرا .. !!
* ابو الشباب ينتظر الزقارة تخلص .. قصدي الصور تخلص .. !!
 الكاتب : admin
 المرفقــات : 0
|
|
|
| مع الميلاد الجديد .. | بين الحب والحرب ..
فرق حـرف (الـراء)..
وفي الحــــــــــب ..
كما في الحــــرب ..
ويل للمهزومـــين ..
- - - - - - - - - - - -
في شنطة الذكرى
ودفتر سنيني ..
حفظت لك موقف
وعشرين صورة ..
- - - - - - - - - - - -
2008/12/29 م |
الصفحات الإضافية
الأقسام
المفضــلة
صباح الخير ..
إذا لم تعلم أين تذهب ,
فكل الطرق تفي بالغرض .. !!
عدد الزوار : 41934
 خلاصة التدوينات
خلاصة التعليقات |
|
